مواجهة في الشارع بين كاريس بشار وجورج خباز بسبب يافطة مكتوب عليها “يُمنع تجوال السوريين” (فيديو)

أثار كل من الممثلة السورية كاريس بشار والممثل اللبناني جورج خباز ضجة واسعة بسبب مشهد من مسلسل “النار بالنار”.

ويحمل المشهد الذي رصدته منصة تريند، حواراً صادماً بين كاريس وجورج بسبب واقع اللاجئين السوريين في لبنان.

وتحديداً بسبب إشكال وقع على خلفية رفع يافطة مكتوب عليها “يمنع تجوال السوريون بعد الساعة الثامنة مساء”.

وفي الحوار يقول جورج لكاريس:”انتو جايين هيك وقحين ما عندكن جنس الحيا، إلك عين تحكي انت؟”.

وأضاف الممثل اللبناني: “ماضيكن معنا بشع وحاضركن على ابشع، انا محلك بحط راسي بالأرض”.

لترد عليه كاريس بالقول: “اول شي مو نحنا اللي اجيناكم بكيفنا، انتو اللي بعتو ورانا، وتاني شي لولانا كنتو هبرتو بعض”.

وعاد ورد عليها جورج بالقول: “نحن بعتنا وراكن على اساس قوات ردع عربية صار بدو مين يردعكن”.

وأضاف الممثل اللبناني: “قعدتو عنا 30 سنة عم تردعوا مدري مين ومدري شو”.

وتابع: “بعدين لما خلصت الحرب بقيتوا ميّقطين على قلبنا متل الكابوس (….) إلك عين تحكي كمان”.

وعادت وقاطعته كاريس بالقول:”ما بدها كل هالموشحات، حمال حالك ونزال عالشام وورجينا المراجل”.

ليقاطعها جورج خباز قائلاً: “ما بدي انزل عالشام، روحي انت عالشام”.

اقرأ أيضاً: وسام ابن أيمن رضا يلفت أنظار الجمهور في مسلسل “الزند” وينال إعجاب الجمهور بصوته (فيديو)

وفي ختام المشهد تستهزئ كاريس من الجملة المكتوبة في اليافطة قائلة لجورج:”بيكتبوها سوريين مو سوريون يا مثقف يا فهيم يا فينيقي”.

وقد تفاعل رواد مواقع التواصل الاجتماعي مع هذا المشهد، اذ اثنوا على أداء كلاً من كاريس بشار وجورج خباز.