تولين البكري تعتذر عن عزاء وديع جورج وسوف وتربط غيابها بالخذلان
تريند – فريق التحرير
نشرت الفنانة السورية تولين البكري عبر فيسبوك اعتذاراً غير مباشر عن عدم حضورها عزاء نجل المطرب جورج وسوف.
وقالت تولين: “رسالة لأبو وديع السلطان جورج وسوف ولأم وديع سلطانة الصبر …وياريت اللي بيعرفون عن قرب يوصل هالكلمتين… لأنو للاسف ماعاد عندي حل لوصل عزائي الا من خلال السوشال ميديا”.
وأضافت: “بما أنو معظم الناس اللي لجأت الهم لياخدوني معهم عالكفرون لقوم بواجب العزاء خذلوني….مو مهم..كل واحد بيعمل بأصلو .الدنيه محسوبيات ومظاهر و..و…الخ”.
وأردفت الفنانة السورية: “.الأهم هو هالأب وهالانسان اللي قبل مايكون فنان جورج وسوف(مع حفظ أسمى الألقاب له) بدي قله مصابك كبير كتير ومصابنا كلنا وصعب شو ماحكينا وعزينا نلاقي بقاموس كلمات اللغة مفردات تبرد قلبك الكبير”.
وأكملت تولين البكري: “صعب كتير على أم وديع تتقبل هالفاجعة لفترة طويلة من الوقت..وانا أم بزمانها راح طفلها صغير.. وجنيت لبلشت استوعب حقيقة الفقد. ف كيف إذا كان شب”.
تولين البكري ورسالة للوسوف
وقالت الممثلة في منشورها عن وديع جورج وسوف وعائلته: “حاسة كتير بوجعكم وبكل لحظة وانا قاعدة لحالي عم بتخيل شو حاسين هلأ وعم يعصر قلبي من الوجع اقسم بالله،،،، ولكن…بعرف كمان ادي ايمانكم كبير بالله وبقضاءه.. ودايما بقول شي وعن تجربة انو الوقت ..أعظم دوا بالإضافة للإيمان”.
وذكرت البكري: “الوقت بس هو كفيل بترميم هالجرح ..وأد ماكان في حواليكم ناس عم تحكي وتصبر وتعزي وأد مااخدتو مهدئات طبية أو معنوية من العالم..أعظم دوا بالفترة الجاية هو الصبر والايمان والوقت .. كفيل انو يخفف( شوي ) من مصابكم”.
اقرأ أيضاً: إطلالات نجوى كرم داخل قصرها تتصدر الترند (صور)
ودعت الفنانة السورية عائلة ومحبي وديع جورج وسوف إلى التوقف عن البكاء والأنين: “لاتحرقوا قلب وديع بدموعكم لانو هو هلأ بمكان احلا بكتير من هون ودموعكم و وجعكم وأنينكم رح يزعلوه كتير..ادعولو…ونحنا عم ندعيلكم من قلوبنا”.
وختمت تولين قائلة: “الله يبرد حرقة قلبكم ويصبركم على مصابكم ويمرق الايام الجاية على خير لانو صحتك بتهمنا يا أبو الوديع.. خليك قوي ومؤمن متل مامنعرفك..ودموعك انت وام وديع نار عم تكوي قلوبنا..ربنا يكون معكم وكلنا ولادكم”.
