أعربت الممثلة السورية علا بدر عن حزنها الشديد بسبب تجاهل العديد من زملائها المشاركين في دراما 2023 في البوسترات الرسمية للأعمال.
وكشفت علا بدر عن حزنها في منشور رصدته تريند، بالقول: “طيب عم شوف عجقة البوسترات والبرومو وهالقصص”.
وأضافت: “إلي بدي قولوا لا نقد ولا نق ولا اي شي ومو شغلتي ومابيخص اني ممثلة بيخص اني انسانة بحس وبحب الناس إلي بالمهنة”.
وتابعت: “خصوصا إلي تعبت عحالا كتير انصدمت ببعض البوسترات انو بس بيختصروا صورتين أو تلاتة بأحسن الاحوال خمسة”.
وأردفت: “طب معلش اذا مافيا ازعاج يعني باقي الناس شو تعبون شو كرامتون شوقهرون عحالون وقت ماعم يشوفوا صورون شو؟!”.
وأضافت: “ياجماعة شوفوا بوسترات المسلسلات المصرية والتركية وغيرهم إلي عندو 20 مشهد إلو بوستر ولقطة بالبرومو”.
وقالت: “مع العلم هاد الحكي مابتنتبهلوا الناس بينتبهولوا بس ولاد المهنة بس قسما بالله من قلبي انقهرت”.
وأوضحت: “لا حدا ينط يقول تسويق ومدري شو، كفا لعب بالمفردات الانسانيات والتقدير اهم من اي شي”.
وأضافت: “مابيهتز حضرة التسويق لما بتحط لقطة للناس الي تعبت معك طول شهرين او تلاتة”.
وأردفت: “ياجماعة تعب الناس قيمة الناس وأساميا تاريخا، وجع قلب حرفيا ولو قادرة لقول اساميون بس مابدي وجعون أكتر”.
وختمت بالقول:”عفكرة ما الي ولا مسلسل السنة وجعي على رفقاتي وعلى ناس بحبا الحمد لله لسا عندي احساس”.
وبدورها الممثلة السورية سوسن ميخائيل وافقتها بالرأي وكتبت: “شخصيتين او تلاتة بياخدوا النصيب الاكبر لأنن (نجوم)”.
اقرأ أيضاً: جرجس جبارة يرد على انتقاد ياسر العظمة لمسلسل باب الحارة: لن يتوقف تصوير العمل!
وأوضحت أن لهم النصيب الأكبر من: “من الأجر والمعاملة الخاصة باللوكيشن والمكياج والازياء والبوسترات والباقي تحصيل حاصل”.
وختمت تعليقها: “للعلم العمل الفني لايكتمل من دون هدول الناس حتى الكومبارس له اهمية بقيام عمل فني متكامل بس لا تندهي مافي حدا”.
